တင်မ်(Tim)၏ဟိုတယ်အခန်းသည် ညဘက်တွင် ပို၍မှောင်နေပုံရသည်။ ညဘက်ထပြီး သူဘာမှမမြင်ရ၍ ချော်လဲလျှင် ခက်ပြီ။ သို့သော် တင်မ် အိပ်ရာမှထသောအခါ သူ၏ခုတင်အောက်မှ တောက်ပသော အလင်း လင်းလာသည်ကို မြင်ရ၍ သူအံ့ဩသွားခဲ့သည်။ ဆင်ဆာစနစ် ရွေ့လျားမှုအာရုံခံကိရိယာဖြစ်ပါသည်။ သူထပြီး ခြေလှမ်းမှသာလျှင် အလင်းလင်းပါသည်။
သမ္မာကျမ်းစာက ကျွန်ုပ်တို့သည် ဘုရားသခင်၏အလင်း၌ စိတ်ထက်သန်မှုဖြင့် လျှောက်လှမ်းရမည်ဟု ဆိုသည်။ ရှင်ပေါလုက ဧဖက်မြို့ရှိ သခင်ယေရှု၌ ယုံကြည်သူလူသစ်များအား “ဘုရားသခင်ကျင့်တော်မူသည်နည်းတူ ကျင့်ကြလော့။... မေတ္တာတရား၌ ကျင်လည်ကြလော့”(ဧ ၅:၁-၂)ဟု ပြောခဲ့သည်။ သို့သော် ထိုလမ်းကို လျှောက်ခြင်းက မည်သည့်ပုံစံ ဖြစ်မည်နည်း။
ခရစ်တော်၏နှစ်သက်ဖွယ်အလင်းထဲသို့ ကျွန်ုပ်တို့ခြေချလိုက်သည်နှင့် ညစ်ညူးခြင်း၊ ရုပ်တုကိုးကွယ်ခြင်း၊ တပ်မက်ခြင်းစသည့် အပြစ်များကို ကျွန်ုပ်တို့ကျောခိုင်းခဲ့ပြီဖြစ်သည်။ ရှင်ပေါလုက “အကျိုးမဲ့သော မှောင်မိုက် အမှုတို့နှင့်မဆက်ဆံသည်သာမက၊ ထိုအမှုတို့၏အပြစ်ကို ပြကြလော့”(:၁၁)ဟု ပြောခဲ့သည်။ ဧဖက်မြို့၌ ရုပ်တု ကိုးကွယ်မှု ကြီးထွားလာသော်လည်း “အထက်ကာလ၌…
ခရစ်ယာန်စာရေးဆရာမဖြစ်ခါစ အစောပိုင်းနှစ်များတွင် Gayle(ဂေးလ်)သည် ထုတ်ဝေသူထံမှ ပန်းစည်း၊ ချော့ကလက်၊ ဆေးဖက်ဝင် လဘက်ခြောက် စသည်ဖြင့် ဆွဲဆောင်မှုရှိသော လက်ဆောင်ပစ္စည်းများ မကြာခဏ ရရှိသည်။ ပစ္စည်းအားလုံးက အလွန်နှစ်သက်စရာပါ။ အချိန်ကြာလာသည်နှင့်အမျှ သူမ၏ထုတ်လုပ်သူက တစ်နှစ်တာဖတ်စရာသမ္မာကျမ်းစာ၊ ဝတ်ပြုကိုးကွယ်ခြင်းစာစောင်၊ ဆုတောင်းချက် စသည့် တည်မြဲသောအဖိုးတန်လက်ဆောင်များကို ပို့ပေးသည်။ ထိုစာများကို ဖတ်ရှုလေ့ကျက်ပြီး ဂေးလ်သည် ရင့်ကျက်သောခရစ်ယာန်တစ်ဦး ဖြစ်လာကာ ပကာသနပါသည့် လက်ဆောင်များနောက်သို့ ယိမ်းယိုင်ပါမသွားဘဲ အခြားသူများအား ခရစ်တော်ထံသို့ ပို့ဆောင်ခြင်း၌ သူမ၏ဘဝကို ပို၍နှစ်မြှုပ်ထားခဲ့သည်။
ထိုအကြောင်းအရာက ရှင်ပေါလု၏သွန်သင်ထိန်းကျောင်းမှုဖြင့် ငယ်ရွယ်သော တိမောသေလေး ကြီးထွားရင့်ကျက်လာပုံကို ပြန်လည်သတိရစေသည်။ ဝိညာဉ်ရေးတွင် ရင့်ကျက်လာစေရန် ဖိအားပေးလျက် ရှင်ပေါလုက “သင်မူကား ဝန်ခံတော်မူသောသူ၊ ရှက်ကြောက်စရာအကြောင်းမရှိဘဲ၊ သမ္မာတရားကို မှန်ကန်စွာ ပိုင်းခြားတတ်သောဆရာသမား ဖြစ်လျက်၊ ဘုရားသခင်ရှေ့၌ ကိုယ်ကိုကိုယ်ဆက်သခြင်းငှာ ကြိုးစားအားထုတ်လော့” (၂ တိ ၂:၁၅) ဟု…
မြို့ငယ်လေးတစ်မြို့မှ ဆရာဝန် အက်ဇ်ဒန် (Ezdan)သည် သူ၏သမီးငယ် အဲလ်နော (Eleanor)အတွက် ကြီးကျယ်သော အိပ်မက်ကို ပြုစုပျိုးထောင်ပေးခဲ့သည်။ သူမသည် (Down syndrome) ဒေါင်းဝေဒနာရှင်ဖြစ်ပြီး သူမ၏အနာဂတ်အတွက် ဝင်ငွေရသည့်လုပ်ငန်းတစ်ခုဖွင့်လှစ်ရန် သူမျှော်လင့်ထားသည်။ သူ့အိမ်မက်ကို အကောင်အထည်ဖော်ရန် “ကြောက်ရွံ့မှု” ခံစားရပြီး၊ လုပ်ငန်းတစ်ခုကိုမည်သို့ စတင်ရမည်ဟူသော အွန်လိုင်း သင်တန်းကို တက်ခဲ့သည်။ ထို့နောက် သူနှင့်သူ့ဇနီးတို့သည် ၎င်းတို့၏ Wyoming(ယိုးမင်း) မြို့၌ မိသားစု မုန့်ဆိုင်တစ်ခုကို ဖွင့်လှစ်ခဲ့ပြီး အောင်မြင်လာခဲ့သည်။ “ဝန်ထမ်းတစ်ဦးရှိပြီး၊ တကယ့်လုပ်ငန်းတစ်ခုဖြစ်လာတယ်”ဟု အက်ဇ်ဒန် ပြောသည်။ ယခုအခါ အဲလ်နော၊သည် ကြီးပြင်းလာကာ ငွေရှင်းကောင်တာတွင် အလုပ်လုပ်ပြီး၊ အွန်လိုင်းဖောက်သည်များနှင့် ချိတ်ဆက်သည်။ အက်ဇ်ဒန်က “သူမ ဘယ်သူလဲဆိုတာ မြို့က လူတိုင်းသိတယ်”ဟု ဆိုသည်။ အဲလ်နော၏အနာဂတ်အတွက် အစီအစဉ်ဆွဲခြင်းတွင် သူ၏ယုံကြည်ခြင်းဖြင့် စွန့်စားခဲ့မှုက သူ၏ပညာသတိနှင့်ချင့်ချိန် ရွေးချယ်မှုပြုခြင်းကို ထင်ဟပ်ပြနေသည်။
၎င်းသည်…
ကျွန်မသူငယ်ချင်း၏ဇနီး၊ အချုပ်အလုပ်တွင် ဆရာတစ်ဆူဖြစ်သူ ဖျားနာပြီး မကွယ်လွန်မီ အလွန်မွန်မြတ်သောအစီအစဉ်တစ်ခုကို ပြုလုပ်ခဲ့သည်။ ကျွန်မတို့ မြို့ တွင်ရှိသော စက်ချုပ်အသင်းသို့ သူမ၏အထည်ချုပ်ပစ္စည်းများဖြစ်သည့် အပ်ချုပ် စက်ခေါင်း၊ အဝတ်ညှပ်စားပွဲနှင့် အခြားလိုအပ်သောအရာများကို အခြားနိုင်ငံများမှ လာရောက်ခိုလှုံသူများအား အချုပ်အလုပ်သင်ကြားပေးသည့် သင်တန်းကျောင်းများသို့ ပေးလှူခဲ့သည်။ “ကျွန်တော်ရေတွက်ကြည့်တာ ပိတ်စချည်းပဲ သေတ္တာ ၂၈ လုံးရှိတယ်။ အမျိုးသမီး ၆ ယောက်လာပြီး ပစ္စည်းအားလုံး သယ်သွားတယ်။ သူတို့ရဲ့တပည့်တွေက အလုပ်ကြိုးစားပြီး ကျွမ်းကျင်မှုရှိအောင် စိတ်အားထက်သန်စွာလေ့လာသူတွေ ဖြစ်တယ်”ဟု သူမ၏ခင်ပွန်းက ပြောသည်။
အချို့က ရွှေ့ပြောင်းလာသူလူသစ်များကို နှိမ့်ချပြောဆိုသဖြင့် အတိဒုက္ခရောက်နေသော ခိုလှုံသူများအပေါ် သဘောထားကွဲလွဲသည့် ပြဿနာဖြစ်လာသည်။
သို့ရာတွင် မောရှေက “တစ်ကျွန်းတစ်နိုင်ငံသားဖြစ်သောဧည့်သည်ကို မညှဥ်းဆဲရ။ သင်တို့သည် (အဲဂုတ္တုပြည်၌ ဧည့်သည် ဖြစ်ဖူး၍) ဧည့်သည်၏ စိတ်သဘောကို သိကြ၏”(ထွ ၂၃:၉)ဟူ၍ဘုရားသခင်၏အမြင်နှင့်၊ သူစိမ်းတစ်ရံစာတို့နှင့် ပတ်သက်၍ “...…
၁၀ နှစ်ကြာ မူးယစ်ဆေးသုံးစွဲမှုကြောင့် မဂ္ဂီ(Meggie)တစ်ယောက် ထောင်သို့ ဝင်လိုက်ထွက်လိုက်နှင့်၊ ဘဝအပြောင်းအလဲ မရှိပါက မကြာခင် ထောင်ထဲပြန်ဝင်ရမည်ပင်။ ထို့နောက် မူးယစ်ဆေးကို လိုသည်ထက်ပို၍ သွေးကြောထဲထိုးသွင်းခဲ့၍ သွေးကြော ပေါက်ပြီး လက်ဆုံးရှုံးလုနီးပါးဖြစ်ခဲ့သည့် ဆေးသမားတစ်ဖြစ်လဲ ဟန်စ်(Hans)နှင့် သူမ တွေ့ဆုံခဲ့သည်။ “အဲဒီတုံးက ဘုရားသခင်ကို ပထမဆုံး အော်ခေါ်လိုက်တာပဲ”ဟု ဟန်စ်က ဆိုသည်။ သူ့ဆုတောင်းအတွက် ဘုရားသခင်၏အဖြေက အကျဉ်းကျနေသော မူးယစ်ဆေးစွဲ နေသူများအတွက် ပြန်လည်ထူထောင်ရေး ညှိနှိုင်းဆောင်ရွက်ပေးသည့်အဖွဲ့အစည်းတွင် အတွေ့ကြုံရှိ ကျွမ်းကျင်သူတစ်ယောက်ဖြစ်လာရန် ဟန်စ် ကို ပြင်ဆင်ပေးခဲ့သည်။
Stone Soup ဟုခေါ်သော အဆိုပါ အစီအစဉ်သည် ယခင်က အကျဉ်းကျဖူး သူများအား ၎င်းတို့၏ လူမှုအသိုက်အဝန်းများသို့ ပြန်လည်ဝင်ရောက်နိုင်စေရန် ကူညီပံ့ပိုးပေးနေသည့် အစီအစဉ်ဖြစ်သည်။ ထိုအစီအစဥ်အားဖြင့် မဂ္ဂီသည် အရက်ဖြတ်သူများ နေထိုင်သည့်အိမ်သို့ ပြောင်းရွှေ့ကာ အရက်ဖြတ်ခဲ့သည်။ ယခုအခါ ဟန်စ်သည် သူမနှင့်…
အလွန်ချမ်းအေးသော နိုဝင်ဘာနေ့တစ်နေ့ဖြစ်သည်။ အိမ်ယာမဲ့များအတွက် လှူဒါန်းထားသည့် ပစ္စည်းများကို ကျောပိုးအိတ်အလုံးနှစ်ရာ၌ ထည့်နိုင်ရန် အသင်းတော်မှ မျှော်မှန်းထားခဲ့သည်။ အိတ်ထဲသို့ ပစ္စည်းများထည့်ရန် ကူညီပြင်ဆင်လျက် အလှူပစ္စည်းများကို အမျိုးအစားအလိုက် ရွေးပေးရင်း လက်အိတ်၊ ဦးထုပ်၊ ခြေအိတ်နှင့် စောင်အသစ်များပါပါစေဟု ကျွန်မ ဆုတောင်းနေခဲ့သည်။ ငရုတ်သီးဟင်းလျာခွက်နှင့် အသားညှပ်ပေါင်မုန့်များကိုလည်း ပေးဝေဦးမည်။ ထို့နောက် ကိုယ်တိုက် အဝတ်စငယ်များကို ကျွန်မ တအံ့တဩ သတိထားမိသည်။ ထိုသူတို့ နွေးနွေးထွေးထွေးနေနိုင်ရေး၊ အစာကျွေးမွေးရေးအတွက်သာ ကျွန်မအာရုံထားခဲ့သော်လည်း အကူအညီကို လက်ခံရယူမည့်သူများ မိမိတို့ကိုယ်မိမိ သန့်သန့်ရှင်းရှင်းဖြစ်နေသည်ဟု ခံစားရအောင် ကူညီပေးရန် တစ်စုံတစ်ဦးက သတိရခဲ့သည်။
သမ္မာကျမ်းစာ၌ စိတ်နှလုံးနှင့် ဝိညာဥ်သန့်ရှင်း စင်ကြယ်ခြင်း ဟူသည့် အခြား “သန့်ရှင်းစင်ကြယ်ခြင်း”တစ်မျိုးကို ပြောထားသည်။ ကျမ်းပြုဆရာနှင့် ဖာရိရှဲတို့၏ ဟန်ဆောင်လျှို့ဝှက်မှုကို ဝေဖန်ရာ၌ ဤသန့်ရှင်းစင်ကြယ်ခြင်းကို သခင်ယေရှု ရည်ညွှန်းပြောဆိုခဲ့သည်။ သူတို့သည် အသေးငယ်ဆုံးသော ပညတ်တရား၏…
အမေရိကန်နိုင်ငံရှိ Maine(မိန်း)ကျေးလက်ပြည်နယ်မှ ရှစ်နှစ်အရွယ် သူငယ်လေးနှစ်ဦးသည် သူတို့၏ကိုယ်ပိုင်အမှတ်အသားအဖြစ် ဗုဒ္ဓဟူးနေ့တိုင်း စမတ်ကျကျ ကုတ်အင်္ကျီနှင့်ဘောင်းဘီဝတ်စုံပြည့်ကို ဝတ်ဆင်ကာ ကျောင်းသွားလေ့ရှိသည်။ မကြာမီ “Dapper Wednesdays” (စတိုင်ကျကျဗုဒ္ဓဟူးနေ့)သည် လူကြိုက်များသည့် နေ့တစ်နေ့ဖြစ်လာပြီး၊ အခြားအခန်းဖော်များနှင့် ကျောင်းဝန်ထမ်းများလည်း ဝတ်ကောင်းစားလှများ ဝတ်ဆင်လာကြသည်။ ထိုအကြံကို အစပြုခဲ့သည့် James(ဂျိမ်းစ်)သည် ချီးမွမ်းစကားများကြားရ၍ ကျေနပ်လျက်၊ “အဲ့ဒါက ငါ့ကို တကယ်ပဲ စိတ်ချမ်းသာစေတယ်”ဟု သူပြောခဲ့သည်။ ထိုဗုဒ္ဓဟူးနေ့ဝတ်စုံသည် ကလေးများအား ကျောင်းဂုဏ်ဆောင်သူများအဖြစ် ကွဲထွက်စေခဲ့သည်။
ကျွန်ုပ်တို့၏ဝိညာဉ်ရေးရာဝတ်စုံသည်လည်း ကျွန်ုပ်တို့ကိုဘုရားသားသမီး များအဖြစ် ကွဲထွက်စေပြီး စိတ်ကြည်နူးစေသည်။“...ငါ၏ဘုရားသခင်ကြောင့် ငါ့ဝိညာဥ်သည် ရွှင်လန်းမည်။ အကြောင်းမူကား၊ မင်္ဂလာဆောင်လုလင်သည် ပေါင်းသရဖူကို ဆောင်းသကဲ့သို့...၊ မင်္ဂလာဆောင်သတို့သမီးသည် တန်ဆာဆင်သကဲ့သို့...၊ ကယ်တင်ခြင်းအဝတ်တန်ဆာနှင့် ငါ့ကို ဝတ်ဆင်စေ၍၊ ဖြောင့်မတ်ခြင်းဝတ်လုံနှင့် ခြုံတော်မူပြီ”ဟု ဟေရှာယ ချီးမွမ်းခဲ့သည်(ဟေရှာ ၆၁:၁၀)။
ဣသရေလလူမျိုးများ ဖမ်းဆီးကျွန်ပြုခံရချိန်၌ ၎င်းတို့၏ ဝိညာဉ်ရေးရာနှင့်တကွ ရုပ်ပိုင်းဆိုင်ရာအဝတ်အစားများပါ…
နန်စီသည် ပြဿနာများကိုသာကြည့်ပြီး အနာဂတ်အတွက် ပူပင်ခဲ့သည်။ သူမ၏ခင်ပွန်းတွမ်သည် မိန်းကျေးလက်ဒေသ ခြေလျင်တောင်တက်ခရီးစဥ်တွင် သုံးကြိမ် သတိလစ် မေ့မြောခဲ့သည်။ သို့သော် အနီးအနားရှိဆေးရုံမှ ဆရာဝန်များက စစ်ဆေးရာ ဘာမျှရှာမတွေ့ခဲ့ပါ။ ကျန်းမာရေးစင်တာကြီးရှိ ဆရာဝန်များနှင့် နောက်ထပ် စစ်ဆေးမှုများ လုပ်ဆောင်ရာ၌လည်း ဘာမျှရှာမတွေ့ခဲ့ပါ။ “ကျွန်မအရမ်းကြောက်နေခဲ့တာ”ဟု နန်စီက ဆိုသည်။ သူမ၏ခင်ပွန်းပြန်လည်သက်သာလာစဥ် သူမသည် နှလုံးအထူးကုဆရာဝန်အား “ကျွန်မတို့အခု ဘာဆက်လုပ်ရမလဲ” ဟု နောက်ဆုံးအကြိမ် မေးခွန်းထုတ်ရာ၊ ဆရာဝန်က “ဘဝကို ပျော်ရွှင်စွာ ရှင်သန်ပါ” ဟု သူမ၏အမြင်ကို ထာဝရပြောင်းလဲစေခဲ့သော ပညာရှိသောအဖြေကို ပေးခဲ့သည်။ “သူရွဲ့ပြောတာမဟုတ်ဘူး။ သူ ကျွန်မတို့ကို အကြံပြုခဲ့တာပါ”ဟု နန်စီက ပြန်ပြောပြသည်။
ထိုလမ်းညွှန်ချက်သည် သခင်ယေရှု၏ တောင်ပေါ်ဒေသနာတော်မှ သွန်သင်မှုများကို ထင်ဟပ်စေသည်။ “အဘယ်သို့ စားသောက်ရမည်ဟု အသက် အဖို့ မစိုးရိမ်ကြနှင့်။ အစာထက် အသက်မြတ်သည် မဟုတ်လော။…
ငြင်းခုံခြင်းဖြင့် အနိုင်ရနိုင်မည်လား။ ဘယ်တော့မှမရနိုင်ကြောင်း၊ ပတ်ဝန်းကျင် ထိန်းသိမ်းသူများနှင့် အသေးစားစီးပွားရေးလုပ်ငန်းရှင်များအကြား ပြင်းထန်လာသည့် အငြင်းပွားမှုကြောင့် “Adirondack Wars” (အဒါရွန်ဒါ့စစ်ပွဲများ)ကို စတင်စေခဲ့သည့် Adirondack Park (အဒါရွန်ဒါ့ဥယျာဥ်)ဒေသတွင် နေထိုင်သူများကို မြို့လေး ၏ခေါင်းဆောင်တစ်ဦးက သတိပေးခဲ့သည်။ အမေရိကန်နိုင်ငံ၊ နယူးယော့ပြည်နယ် မြောက်ဖျားပိုင်းရှိ ထိုဒေသ၏တောတောင်ကို သဘာဝအတိုင်း ဆက်လက် ထိန်းသိမ်း မည်လား (သို့) ဖွံ့ဖြိုးအောင် တည်ဆောက်ပြုပြင်မည်လား ဟု ငြင်းခုံခဲ့ခြင်းဖြစ်သည်။
“မင်းတို့လာတဲ့နေရာကို ပြန်သွားကြ” ဟု ဒေသခံ ခေါင်းဆောင်တစ်ဦးက ပတ်ဝန်းကျင် ထိန်းသိမ်းရေးသမားတစ်ဦးကို အော်ဟစ်ခဲ့သည်။ သို့သော် “တစ်ဦးနဲ့တစ်ဦး အော်ဟစ်မနေဘဲ အပြန်အလှန်စကားပြောကြည့်ပါ” ဟု စကားသစ်တစ်ခု မကြာမီ ထွက်ပေါ်လာပြီး ရန်လိုနေသည့် အဖွဲ့နှစ်ဖွဲ့အကြား ပြန်လည်သင့်မြတ်ရေးအတွက် နားလည်မှုရှိသော မဟာမိတ်အဖွဲ့ကို ဖွဲ့စည်းခဲ့ကြသည်။ လူထုဆွေးနွေးပွဲက တိုးတက်မှုဖြစ်ပေါ်ခဲ့ကာ တောရိုင်းမြေ ဧက ၁ သန်း…
မဲရဒသ်(Meredith)၏ မင်္ဂလာဆောင်တွင် သူမ၏အမေက ကောရိန္သုသြဝါဒစာ ပထမစောင်မှ လှပသော ကျမ်းချက်ကို ရွတ်ဖတ်ခဲ့သည်။ သမ္မာကျမ်းစာ၏ “ချစ်ခြင်းမေတ္တာအခန်း”ဟု မကြာခဏ အခေါ်ခံရသော အခန်းကြီး ၁၃ သည် ထိုမင်္ဂလာအချိန်နှင့် လိုက်ဖက်ညီခဲ့သည်။ “မေတ္တာသည် စိတ်ရှည်တတ်၏။ ကျေးဇူးပြုတတ်၏။ မေတ္တာသည် ဂုဏ်ပြိုင်ခြင်းမရှိ၊ ဝါကြွားခြင်းမရှိ၊ မာန်မာနမရှိ” (:၄)။ တမန်တော်ထံမှ ထိုစကားလုံးများထွက်လာအောင် မည်သည့်အရာက သူ့အား လှုံ့ဆော်ခဲ့သည်ကို ခေတ်သစ်သတို့သမီးများနှင့် သတို့သားတို့ သိကြပါ့ မလားဟု ကျွန်ုပ်တွေးမိသည်။ ရှင်ပေါလုသည် အချစ်ကဗျာ စပ်ဆိုခဲ့ခြင်း မဟုတ်ပါ။ ပြင်းထန်သော ကွဲပြားမှုများကို ကုစားသင့်မြတ်စေရေး ကွဲပြားနေသည့်အသင်းတော်သို့ စာရေးတောင်းဆိုခဲ့ခြင်း ဖြစ်သည်။
ဓမ္မပညာရှင် ဒေါက်ကလပ်စ် အေ ခဲန့်ဘဲလ် (Douglas A. Campbell)က “ရှင်းရှင်းပြောရရင် ကောရိန္သုအသင်းတော်က အရှုပ်ထုပ်ကြီးပေါ့” ဟူ၍ ပြောခဲ့သည်။ အသင်းတော်၌ သွေးရင်းကာမစပ်ယှက်မှု၊ ပြည့်တန်ဆာမှုနှင့်…